Gilusad sa Zamboanga del Norte Police Provincial Office ang Food Security Program alang sa Peace and Development aron suportahan ang kaluwasan sa pagkaon ug kalinaw sa komunidad.
Pinaagi sa pagpanguna ni PCOL Jimmy M. Laguyo, Provincial Director sa ZNPPO, kauban si Ms. Armie Acopiado-Bergado, OIC Provincial Agriculturist, gihimo ang soft launching sa Food Security Program for Peace and Development sa lalawigan.
Ang programa naglangkob sa malungtarong pagtanom ug pagpamugas sa mga bakanteng luna sulod sa mga police camp ug estasyon. Tumong niini nga mapalambo ang kaugalingong produksyon sa pagkaon sa kapulisan samtang mapalig-on ang panaghiusa ug partisipasyon sa komunidad.
Subay sa tema nga “Cultivating Growth: Sustainable Gardening for PRO9,” gipasiugda sa inisyatiba ang pag-atiman sa kinaiyahan, hustong paggamit sa yuta, ug padayon nga pagmonitor sa mga gulayan. Pinaagi niini, nag-amot ang PNP sa kaluwasan sa pagkaon, kaayohan sa mga personahe, ug kalinaw ug kalamboan sa Zamboanga del Norte.(IKEN B. GULLEM)
Source: Zamboanga del Norte Police Provincial Office