Giduso karon sa Department of Tourism (DOT) IX nga palambo-on og balik ang turismo dinhi sa Zamboanga Peninsula bisan anaa pa kita sa panahon sa pandemya.
Kini ang nasayran human mibisita ang mga personahe sa Rehiyonal nga buhatan sa Turismo didto sa Demo Farm sa City Agriculture ning dakbayan sa imaging adlaw.
Tumong ning nasangpit nga pagbisita mao ang pagpahigayon sa Farm Tourism Circuit Development ubos sa programang 2017-2022 National Tourism Development Plan (NTDP) diin ilawom niini, ipahigayon ang site validation ug profiling sa mga tourism sites dinhi sa lalawigan.
Sa diskusyon tali nila ni Mayor Darel Dexter T. Uy, City Agriculturist Engr. Kerr N. Porlas, City Tourism Officer Cecile R. Bilog, Provincial Tourism Office ug sa mga personahe gikan sa DOT-IX, nakita ang dakong potensiyal sa Dipolog alang sa Farm Tourism. Sumala usab sa DOT-IX, dunay mga plano alang na sa pagpahigayon og diversified activities sa mga tourism sites sa lalawigan aron mas ma-engganyo pa ang mga turista nga mobisita dinhi.
Nasayran nga sa siyam ka mga farm sites nga na-assess sa DOT-IX, walo niini ang nasulod sa farm-tourism circuit.
Source: DIPOLOG CITY GOVERNMENT Facebook page