Dakpan ang 2 ka lalaki human sa gipahigayon nga Joint Law Operation on Anti-illegal Gambling sa Philippine National Police (PNP) personnel sa Polanco Municipal Police Station (MPS) nga gipanguluhan ni Police Major Nestor Moit Gania Jr, Police Officer (COP) uban sa mga operatiba sa Criminal Investigation and Detection Group (CIDG) sa Zamboanga del Norte PFU (Lead Unit) didto sa Purok Orchids, Sitio Sicot, Barangay Dansullan ,Polanco, Zamboanga del Norte niadtong Marso 13, 2022 sa alas 5:02 sa kahapunon.
Giila ang mga nadakpan sa pangalan nga Alberto Gumalas Mirafuentes, 52 anyos, minyo ug si Joey Basong Magamay, 35 anyos, single ug pareho nga lumulupyo sa maong nahisgotan nga barangay ning lalawigan.
Nasakpan ang duha ka indibidwal sa akto nga nakiglambigit sa illegal nga sabong.
Nakuha gikan sa ilang possession ang duha ka patay nga fighting cock nga adunay duha ka gaffs ug bet money nga mokabat sa 400 pesos sa lain-laing denominasyon.
Ang mga nadakpan anaa na karun sa kustodiya sa kapolisan sa Polanco MPS alang sa tukmang disposisyon ug alang sa pagpasaka sa angay nga kaso sa korte. (Liccin V. Bello)