Dakpan ang usa ka 53 anyos nga si Efren Jumalon nga dugay ng gipangita sa balaod, lumulupyo sa Purok 4, Barangay Sumpot, lungsod sa Dimataling, probinsya sa Zamboanga Del Sur, sa gipahigayon nga Law Enforcement Operation, sa Purok 3, Barangay Sta. Cruz, lungsod sa La Libertad, dinhi sa probinsya sa Zamboanga Del Norte.
Ang pagdakop gihimo pinaagi sa Warrant Of Arrest sa kasong Intriguing Against Honor ilalom sa Criminal Case Number L-2289, nga giisyu ni Judge Pio D. Velasco, Judge 2nd Mctc-Piñan-La Libertad, Piñan, Zamboanga Del Norte, kaniadtong 1998, ug adunay girekumendar nga pyansa sa kantidad nga 5,000.00. para sa temporaryo niining kagawasan.
Ang dinakpan ang anaa na sa mga kamot sa kapulisan sa La Libertad Municipal Station ug temporaryo nang gikustudya kanila ug kasamtangan ng gihikay ang mga papeles para sa giatubang kaso sa nahisgutang suspetsado. (Angelica T. Obina)
(Source: ZNPPO)