Sikop ang usa ka drug suspek atol sa gikasa nga Anti-illegal drug operation sa mga personahe sa kapulisan didto sa Brgy. Poblacion, Sibuco, Zamboanga del Norte, niadtong Desyimbre 6, 2025.
Ang maong dinakpan nga drug suspek nasakmitan sa kapulisan ug kapin o kulang 2 gramos nga shabu nga adunay gibanabana nga kantidad nga mobalor sa PHP 13,000.
Ang pagkasikop sa suspek gihimo pinaagi sa hiniusang buy-bust operation sa Sibuco MDET kauban ang 2nd ZNPMFC sa Brgy. Poblacion, Sibuco, Zamboanga del Norte.
Kining malampuson nga operasyon nagpasiugda sa dili matarug nga pasalig sa mga personahe sa pagsumpo sa ilegal nga drugas ug pagpanalipod sa komunidad.(MEDALYN U. BORJA)
Source: Sibuco Municipal Police Station, ZNPPO