Dipolog: Dr. Penales, gipahibalo nga kapin sa 2Mil ka mga campus journalist ug school paper advisers apil sa mga parents ang mitambong sa nasangpit nga aktibidad sa RSPC 2024

0
7
photo credits to the owner

Gipahibalo ni Dr.Eugenio B. Penales, Chief Curriculum & Learning Management Division DepEd,Regional Office IX nga mikabat ngadto sa 2,400 ka mga campus journalist ug school paper advisers sa walo ka divisions mao ang Dapitan City,Dipolog City,Zamboanga del Norte,Isabila City,Pagadian City,Zamboanga City,Zamboanga del Sur,ug Zamboanga Sibugay Schools Division, ingun man duna usab mga media practitioners gikan sa nagkalain-laing Region ang musaksi sa gipahigayong pag-indigay sa kahanas sa pagsulat ug talento sa pagsulat sa mga kabataan sa Regional Schools Press Conference (RSPC) kaniadtong Abril 3 ning tuiga.

Matud pa ni Dr.Penales nga sa kadaghan nga mga bisita gikan sa laing lugar puno na ang mga hotels apan bisan tuod ang mga host division ug ang City of Dipolog nagahatag ug schools headquarters diin posibling muabot pa sa 3 mil gumikan lakip misaksi sa event mao ang mga ginikanan,mga higala diin sagad sa uban dili matulog sa hotels kon dili sa mga classrooms lang ug ang uban dunay mga pamilya nga kabisitahan.Sila naga-obserbar sa kanunay sama sa faithness,honesty ug integrity diin mao kana ang iyang ikapasalig sa activity engun man pinakahapsay sa pagpahigayon ug RSPC.

Saysay usab ni Mr. Rodolf John Rodriguez, Education Program Supervisor, Journalism Coordinator nga aduna usab mga pamaagi ug trainings sa tanang mudaog human sa Region aron usab ikapasigarbo ang Region IX.Ang pagpahigayon sa Annual School Press Conference aron sa pag-umol sa mga bag-ong henerasyon nga mapagawas ang ilang talento isip journalist nga makabaton ug maayong prinsipyo sa pagsulat.

Sa katapusan nanghinaot si Mr. Nur N. Hussien, Chief School Governance and Operations Division (SGOD)Dipolog City nga walay mahitabong untoward incident o mga dili maayong panghitabo diin anaa usab ang koordinasyon sa mga kapolisan, Local Government Unit(LGU) engun man sa Division Office aron luwas ug malinawon sugod sa sinugdanan hangtod sa mahuman ang maong competition sibo sa sa tema nga ‘Journalism as a catalyst for positive change in the media landscape of 2024. (Angelica T. Obina)

Leave a Reply