Mi-turn-over ang Department of Labor and Employment (DOLE) og duha ka tseke ngadto sa kagamhanang lokal sa Dipolog kaganinang buntag, Septiyembre 12 ning tuiga.
Ang unang tseke ang nagkantidad og Php938, 383.00 maoy alang sa Tulong Panghanapbuhay Sa Ating Disadvantaged/Displaced Workers (TUPAD) Program nga gitagana sa 191 ka mga displaced workers ning dakbayan. Sumala pa ni Ms. Aileen Mondejar, Provincial Director sa DOLE ning lalawigan sa Zamboanga del Norte, kinsa maoy mitunol sa tseke ngadto ni Mayor Darel Dexter T. Uy, ang nahisgutang ihap sa mga displaced workers gihatagan og 13 ka workings days diin sila magdawat sa suholan nga Php351.00 matag adlaw.
Samtang laing tseke nga nagkantidad og Php251,125.00 ang alang usab sa livelihood project sa 15 ka mga skilled Persons With Disability (PWD) nga miyembro sa Dipolog PWD Hilot Wellness Massage Association.
Kauban ni Mayor Darel Uy sa pagdawat sa nasangpit nga tseke mao sila PESO Manager Carlo P. Deloria ug Assistant City Treasurer Herminia Sabando.
Source: DIPOLOG CITY GOVERNMENT Facebook page
