Aron mapalambo ang luwas, responsable, ug inklusibong turismo sa siyudad, gipahigayon sa City Tourism Office ang Building Environment for Safer Tourism (B.E.S.T.): Gender-Sensitive & Responsive Tourism Awareness Seminar and Training alang sa mga tourism frontline service providers kaniadtong Nobyembre 24, 26 ug umaabot 28, 2025 didto sa Museo Dipolog.
Ang inisyatiba nagtinguha sa pagpanday ug mas lig-on nga turismo nga nagpaluyo sa ethical tourism practices ug naglikay sa patronage sa sex-related services, ilabina sa nagkadako nga pagdagsa sa mga turista sa siyudad. Ilalum sa programa, gihatagan ug kapasidad ang mga frontliners ug estudyante aron mahimong local-based community guides nga aduna’y saktong kaalam sa gender sensitivity, responsible tourism, ug visitor handling.
Gitambongan ang training sa mga tourism workers gikan sa pribado ug pampublikong sektor, samtang gi-fasilitar kini ni Jane Kristelle M. Dy. Si Maria Regina D. Luy ang nangulo isip trainer, samtang si Jiel D. Barbadillo ug Mary Ann E. Caballida nagtanyag sa ilang expertise isip mga resource speakers.
Ang B.E.S.T. Training usa ka Gender and Development (GAD) program sa City Tourism Office nga nagpunting sa pagprotekta sa mga turista, pagpalig-on sa ethical standards sa tourism industry, ug paghatag og mas lapad nga oportunidad sa mga lokal nga residente sa sektor sa turismo.(IKEN B. GULLEM)
Source: Dipolog Tourism