Sa pagsaulog sa 160th Philippine Forestry Service and Arbor Day, ang DENR Zamboanga Peninsula, pinangulohan sa In-Charge, Office of the Regional Executive Director, Ronald D. Gadot uban sa Environmental Management Bureau (EMB Region 9), mipahigayon ug tree-growing nga aktibidad sa Mechanized and Modernized Forest Nursery (MMFN), sa Baklay, Tukuran, Zamboanga del Sur Hunyo 23.
Gibana-bana nga 179 ka mga boluntaryo gikan sa 1st Infantry “Tabak” Division, Philippine Army, 53rd Infantry “Matapat” Battalion, Philippine Army, Tactical Operations Group 9 Philippine Air Force, 1st Field Artillery “Beat ‘Em” Battalion, AAR, PA , 1st Cavalry Ang Tagapanguna Battalion, Armor Division, PA, Philippine National Police (PNP), ug mga sakop sa Barangay Local Government Unit sa Baklay, uban sa mga piniling opisyal ug kawani sa DENR IX, nakatanom ug kinatibuk-ang 2,107 ka mga punoan sa kahoy sa lasang sa White Lauan ug Kalunti species. .
Isip pagpahayag sa pasalamat, ang pasilidad mi-apod-apod ngadto sa mga boluntaryo og kinatibuk-ang 3,095 ka lain-laing mga seedlings, lakip ang White Lauan, Almaciga, Rattan, golden tree, ug Agoho.
(Source: DENR Zamboanga Peninsula Facebook page)