Nagpahigayon og sunod-sunod nga preparatory meetings ang Department of Agrarian Reform Zamboanga del Norte aron palig-onon ang koordinasyon ug suporta alang sa umaabot nga agrarian reform milestone sa probinsya.
Gipangulohan ni PARPO II Daisy Dell Suan Digamon ug PARPO I Engr. Alfonso A. Tan ang pakighinabi sa mga lider lakip si Governor Darel Dexter T. Uy ug DPWH officials aron masiguro ang logistics ug imprastraktura alang sa mga benepisyaryo.
Nakigkonsulta usab ang DAR sa simbahan pinaagi ni Bishop Severo C. Caermare ug Rev. Fr. Enrico V. Montano aron mapalambo ang holistic nga suporta sa mga mag-uuma.
Sumala sa DAR, ang umaabot nga distribusyon giila nga usa sa pinakadako sa rehiyon, nga magtimaan sa dakong lakang sa implementasyon sa agrarian reform sa Zamboanga del Norte.(JENNIFER JR. DELICA)
Source: DAR Zamboanga del Norte Province