ka insidente sa Barangay Cabangcalan niadtong Abril 5 nagpasidaan sa kahinungdanon sa paspas nga aksyon sa kaso sa stroke, human tabangan sa Liloy Municipal Fire Station ang usa ka pasyente nga nagsinati og kalit nga komplikasyon.
Base sa report, ang EMS personnel sa Shift B, ubos sa liderato ni Acting Municipal Fire Marshal FINSP Dave C. Dela Cruz, miresponde dayon sa tawag alang sa medikal nga emerhensiya.
Pag-abot sa lugar, ilang nakita ang pasyente nga naa sa higdaanan, responsive, apan nagasuka, usa sa mga delikadong sintomas sa usa ka stroke patient nga mahimong mosangpot sa mas grabeng komplikasyon kung dili dayon matubag.
Gipatuman sa rescuers ang angay nga first aid pinaagi sa pagbutang sa pasyente sa recovery position ug pag-alsa gamay sa ulo aron malikayan ang aspiration o pagkalumos sa suka. Human sa initial nga pag-atiman, gidala dayon ang pasyente sa Liloy Integrated District Hospital pinaagi sa ambulansya sa BFP alang sa dugang nga pagmonitor ug pagtambal.
Gipasabot sa mga rescuers nga ang ingon nga mga sitwasyon nagkinahanglan og dali ug sakto nga pagresponde, ug nag-awhag sila sa komunidad nga mahimong alerto sa mga sintomas sa stroke sama sa kalit nga kahuyang, pagsuka, ug pagbag-o sa kahimtang sa lawas.(IKEN B. GULLEM)
Source: Bfp R9 Liloy fire station