Sa pagsaulog sa Cybersecurity Awareness Month 2025, ang Department of Information and Communications Technology (DICT) Zamboanga del Norte, pinaagi sa maong Cybersecurity Team, nagpahigayon ug Cybersecurity Awareness Seminar para sa baynte (20) ka empleyado sa Munisipyo sa Labason, nga gipahigayon sa Conference Room sa Labason Municipal Hall, Labason, Zamboanga del Norte.
Ang maong kalihokan nagtumong sa pagpalig-on sa kahibalo ug kahanduraw sa mga empleyado sa paggamit sa luwas nga praktis sa teknolohiya aron mapanalipdan ang datos ug operasyon sa lokal nga panggamhanan batok sa nagkadaghan nga hulga sa cyberattacks.
Pinaagi sa maong inisyatibo, gipakita sa LGU Labason ang ilang aktibong paningkamot sa pagpatuman sa mga lakang alang sa mas luwas ug episyenteng digital governance, ug pagpauswag usab sa serbisyo publiko.(IKEN B. GULLEM)
Source: DCIT