Dipolog: Corazon C. Aquino hospital nakadawat og 3 ka pag-ila gikan sa Philhealth

0
15

Nakahakot ang Corazon C. Aquino Hospital (CCAH) og tulo (3) ka mga managlahing pasidungog gikan sa Philippine Health Insurance Corporation (PhilHealth)-Regional Office 9, atol sa selebrasyon sa ika-28 ka kasumaran sa pagkahimugso sa nasangpit nga ahensiya.

Ang CCAH nakadawat og duha ka plake alang sa pasingdungog nga “Ideal Health Care Institutions” ug “Top Government Health Care Institutions with the Lowest in Return To Hospital (RTH) and Denied Claims”, samtang gihatagan usab kini sa Certificate of Appreciation nga dunay citation nga “One of the first facilities to undertake reconciliation of claims in Region 9”.

Sumala ni Mr. Larry Padilla, Supervising Administrative Officer, nga dako kaayo ang pasalamat sa CCAH ngadto ni Mayor Darel Dexter T. Uy tungod kay siya ang instrumento aron mapun-an ang mga kakulangon sa nasangpit nga tambalanan.

Ang awarding ceremony didto gipahigayon sa dakbayan sa Zamboanga niadtong Marso 29 ning tuiga diin ang midawat sa pasidungog mao sila si Ms. Clarissa J. Darcera, Chief Nurse ug Ms. Quinciana Poligrates, Supervising Nurse sa nahisgutan nga tambalanan.

(Source: Dipolog City Government Facebook page)

Leave a Reply