Gipahigayon noong Agosto 10, 2023 sa may alas 9:30 ang takna ang Consultative Meeting sa Dipolog City ASF Task Force uban na sa mga miyembro usab sa Regional ASF Task Force dinha sa City Mayor’s Office Conference Room, ning siyudad.
Ang maong meeting ang gitambongan ni City Mayor Darel Dexter T. Uy uban nila ni City Veterinarian, Dr. Imelda Villacrucis, City Agriculturist, Engr. Kerr N. Porlas, Provincial Veterinarian, Dr. Sunday Dawn Bagatua, Dr. Victorino Guillermo sa rehiyonal nga buhatan sa Department of Agriculture, Dr. Darwin B. Abadilla sa Bureau of Animal Industry, uban na sa personahe gikan sa National Meat Inspection Service, dinhi sa rehiyon.
Ang maong tigum ang tuyong gipatawag alang sa paghisgot sa nagkalain-laing mga lakang ug dugang mga pagpangandam batok sa African Swine Flu (ASF).
Ang ASF Task Force ning siyudad ang hugtanon gayud nga nagbantay nga dili makasulod dinhi sa atong dapit ang ASF, gumikan kay maka-apektar kini og dako sigun sa mga panglantaw ngadto sa industriya sa baboyan dinhi sa atong dakbayan ug sa lalawigan sa kinatibuk-an, diin primera niini nga resulta mao unya ang gilantaw nga pagnihit pagbalik sa suplay sa baboy dinhi sa kamerkadohan.
(Source: Dipolog City Government Facebook page)