Malampuson gitugyan ug gi-ablihan ang COMPAC kon Community Police Assistance Center sa Barangay Potungan sa dakbayan sa Dapitan kagahapong adlawa.
Bisan paman sa ka puno sa schedules ni City Youth, Sports and Barangay Affairs Coordinator John “Cadrick” Empeynado isip representante ni Dapitan City Mayor Rosalina “Nene” Jalosjos, iyaha gayod nga gipanguluhan isip pinasidunggan bisita ang ribbon cutting sa nasangpit nga proyekto.
Matod pa ni Empeynado nga kining maong proyekto ang dako kaayo ug ikatabang ngadto sa pagmentenar sa kahapsay ug kalinaw sa nasangpit nga barangay ug kasigpit niii nga mga barangay sa Dampalan, Ba-ao, Opao ug Masidlakon sanglit aduna namay kaduolan ang mga katawhan sa nasangpit nga dapit kabahin na sa mga nagkalain-lain unyang problema nga paga atubangon niini diin nag kinahanglan ug panabang sa usa ka police.
Si Empeynado ang usab nanghinaot nga ampingan sa mga katawhan ang nasangpit nga proyekto aron kini magmalungtaron. Sa ilang kabahin mapasalamaton usab ang mga katawhan sa nasangpit nga barangay gumikan kay dako kaayo ug ikatabang sa ilahang dapit ang maong COMPAC gumikan kay isip barangay nga anaa mahimutang sa utlanan sa duroha ka mga lungsod, permanenting adunay daghan mga tawo nga nagagikan sa laing kalunsoran ang mo abot sa ilahang dapit. (Balitaryo-Raymond Acopiado)
(Source: City Information Division-CID-Dapitan Facebook page)