Dipolog: COMMUNITY OUTREACH SA LUNGSOD SA POLANCO MALAMPUSON

0
87

Lain na usab nga community outreach, serbisyo caravan ang malampusong gipahigayon sa barangay San Antonio,  lungsod sa Polanco, niadtong nakalabay’ng Biernes.

Unang gilugway  ang serbisyo medical sa Rural Health Unit, pinaagi sa mga doctors, Dr. Frances Choi Olvis Bantilante, Dr. Patricia Quema ug dentist Dr. Annabelle Olvis. Nag lakip sa maong serbisyo caravan, ang libreng konsulta medical, tuli sa mga pisot, ibot ug fluoride sa mga ngipon, pag bakuna batok covid-19, ug pang hatag sa tambal.

Diha usab sa maong kahihukan ang mga tinugyanan sa buhatan sa Municipal Welfare and Development Office pinaagi nila ni Sheryl Aguinaldo ug Ermelinda Munton nga nagdala Milo, gatas ug itlog diin gipang feeding sa mga kabataan, nanghatag face mask alang sa tanan.

Anaa usab ang buhatan sa  Agriculture, sa pag pangulo ni MAO Edgar Agayan kauban nila ni agriculturist Ronie Gonzales ug Rosalinda Commodas diin nanghatag binhi sa mga utanon. Sama sa Pechay, Okra, Talong ug kamatis. Nanghatag usab sila’g organic fertilizers.

Pagka udto, dihay gi andam nga pagkaon gi salohan sa tanan. Sanglit ania pa kita sa covid-19 pandemic, hugot gayud nga gi sunod ang health protocols diin tanan nag suot sa face mask ug nag observed sa social distancing.

Pagka human sa paniudto, gi sunod dayon ang pag pang-apod-apod sa mga relief goods nga adunay tulo ka kilong bugas, duha ka beef loaf, duha ka sardinas, ug tulo ka putos sa noodles. Aduna usab  tagsa ka pack nga goddess para sa kabataan ug lamian nga ice cream para sa tanan.

Subay niini, sa mensahe ni mayor Boyet Olvis, dako niyang pasalamat  sa gasa nga nadawat sa barangay San Antonio, diin gidala sa LGU Polanco ang community outreach serbisyo caravan ngadto na sa maong barangay. Gipa abot ni mayor Olvis. (RYAN UY, RPN DXKD Volunteer)

Leave a Reply