Usa ka Coastal Clean-Up Activity ang gisalmotan sa mga personahe sa Coast Guard Station (CGS) Zamboanga del Norte, kauban ang Coast Guard Sub-Station Dipolog, Dapitan, Sibutad, ug ang Operational Control Unit didto Sunset Boulevard ning dakbayan sa Dipolog niadtong Oktubre 19, 2025.
Kini nga kalihokan gihimo isip pag suporta sa Mindanao Tourism Expo 2025, nga nagpakita sa lig-on nga pasalig sa pagpreserbar sa kinaiyahan ug malungtarong turismo.
Gibana bana nga mitabon sa 500 metros lukop sa napundok nga basura ang nakuha sa mga personahe ngadto sa kabaybayonan
Pinaagi niining inisiyatiba,ang Philippine Coast Guard padayong nahimong importanteng kaabag sa nasyonal ug lokal nga paningkamot sa pagpreserbar sa natural nga kahinguhaan sa nasod, ilabina sa mga dapit sa kabaybayonan ug kadagatan.
Ang kalihokan wala lamang nagpalig-on sa inter-agency nga kooperasyon apan nagpasiugda usab sa kamahinungdanon sa pag-apil sa komunidad sa pagpanalipod sa marine environment, usa ka mahinungdanong bahin sa nagtubo nga industriya sa turismo sa rehiyon.(Medalyn U. Borja)
Source: CGS Zambonga del Norte