Mipahigayon ug usa ka Gift Giving Activity ang mga personahe sa Coast Guard Station Zamboanga del Norte, alang sa 50 ka mga mananagat sa Dapitan,niadtong Disyembre 31,2025.
Ang maong aktibidad gipangulohan ni LTJG Sonny Philip Habal PCG, uban sa CGSS Dapitan, CGSS Dipolog ug SOU-ZDN personnel ubos sa Philippine Coast Guard iCARE Program.
Sa maong kalihokan , nakadawat ug tig 5 ka kilos nga sako sa bugas ug mga groceries ang gihatag ngadto sa 50 ka nasangpit nga mga mananagat usa ka paghatag og humanitarian nga tabang, pagpalambo sa maayong kabubut-on, ug pagpalig-on sa presensya sa Coast Guard sulod sa komunidad sa kabaybayonan.
Nagpasiugda kini sa lig-on nga koordinasyon ug kooperasyon tali sa Philippine Coast Guard ug sa lokal nga komunidad, nga nagpalambo sa pagsalig ug pagtinabangay isip pagpasalamat sa ilang padayon nga suporta isip kaabag sa komunidad sa pagpasiugda sa kaluwasan sa kadagatan, seguridad, ug pagpanalipod sa kinaiyahan.
Tungod sa hiniusang paningkamot sa CGS Zamboanga del Norte personnel, uban sa 314th ug 315th PCGA Squadrons, sa pakigtambayayong sa City Government of Dapitan nahimong malampuson ang kalihokan.(MEDALYN U. BORJA)
Source: CGS Zambonga del Norte