Kapin sa usa ka gatos ka residente sa Dakbayan sa Dipolog ang nakadawat og pinansyal nga tabang gikan sa city government ilalom sa Assistance to Individuals in Crisis Situation o AICS program niadtong Enero 21, 2026, sa Social Hall sa Museo Dipolog.
Sa kinatibuk-an, 106 ka benepisyaryo ang gipaningkamotan sa maong payout, lakip ang 41 ka nakadawat og burial assistance ug 65 ka benepisyaryo sa medical assistance, nga nagtumong sa pagtabang sa mga pamilya nga nag-atubang og kalisod tungod sa kamatayon ug sakit.
Mitambong sa kalihukan si City Mayor Roberto Y. Uy, nga nagpamatuod sa padayong paningkamot sa lokal nga pangagamhanan sa paghatag og paspas ug matinud-anong tabang sa mga Dipolognon nga nagkinahanglan, ilabi na sa panahon sa krisis.(JENIFFER JR. DELICA)
Source: Dipolog City Government