Malampusong napahigayon ang Change of Office Ceremony para sa Operations Section sa 97th Infantry (KALASAGLAHI) Battalion nga gipahigayon niadtong Disyembre 27,2025 didto sa Barangay Del Pilar, Piñan, Zamboanga del Norte.
Ang maong seremonyas gipangunahan ni Lieutenant Colonel Jessie G. Bergonia, Commanding Officer sa unit.
Tumong niini nga seremonyas mao ang pormal nga pagluwat sa katungdanan isip Operations Officer sa batalyon ni Captain Denmart A. Enriquez nga pagahulipan ni Captain Rolando H. Ranoco, usa ka pag-ila sa usa ka transisyon ug hapsay nga pagdumala sa batalyon.
Usa ka makahuluganon nga tradisyon nga nagpasidungog sa serbisyo,ug nagpalig-on sa moral sa unit samtang nagpasiugda sa pagtahod sa batalyon sa pagpangulo ug pagpadayon sa pormal nga pagtimaan sa pagbalhin sa mga responsibilidad.
Si LtCol Bergonia, mipaambit sa iyang mensahe sa kalipay ngadto kang Kapitan Enriquez ug Kapitan Ranoco sa pagka propesyonal ,pagkaddedikado, ug kontribyusyon niini , suporta ug dakong mga kalampusan nga natampo sa misyon niini nga napatuman sulod sa unit.
Dugang pa gidayeg usab ni LtCol. Bergonia si Captain Enriquez isip Operations Officer sa unit sa kakugi ug dedikasyon niini sa serbisyo.
Si Captain Ranoco sa samang higayon gipahalipayan usab sa pagkatudlo sa samang posisyon ug sa buhatan isip pagsuporta sa misyon sa yunit, mipadayag sa iyang pagsalig sa iyang padayon nga pasalig ug epektibong performance sa pagtuman sa mga katungdanan.(MEDALYN U. BORJA)
Source: 97th IB KALASAGLAHI BATALLION