Ang dakbayan sa Dipolog nakaangkon na usab ug laing pasidungog pinaagi sa buhatan sa City Civil Registrar diin nakadawat sila atol sa gipahigayon nga “Regional Year-End Conference and Planning Workshop and Awarding Ceremony” diin gipanguluhan sa Philippine Statistics Authority (PSA) Region IX inubanan sa pakigtambayayong sa Region Nine Association of Civil Registrars Inc. (RNACRI) kaniadtong December 5, 2024 didto sa Top Plaza Hotel,Dipolog City.
Kahibaloan gikan pa kini sa buhatan sa City Civil Registrar diin nakadawat sila ug duha ka pasidungog nga mao ang “1st Place” sa “Extra Large Category”ang maong nasayrang buhatan ang pinakadaghang nasumite nga mga dokumento sa “Civil Registry” ug ang “Special Award” nga “Most Innovador Local Civil Registry Office (LCRO) Award” kon “Most Innovative LCRO Award” sa tibuok Zamboanga Peninsula. Ang maong mga pasidungog ang gidawat ni City Civil Registrar, Ms. Rosemarie P. Miranda inubanan sa iyang mga personahe atol sa “2023 Local Civil Registry Office (LCRO) Awards” diin gipahigayon ra sa gihapon sa susamang lugar ug oras, kahinumduman usab nga si City Civil Registrar Miranda ang president mismo sa Region Nine Association of Civil Registrars Inc. (RNACRI).
Dugang niini ang maong buhatan sa City Civil Registrar mapasalamaton ug daku sa mga nadawat nga kalampusan ilabina sa amahan ning dakbayan ngadto kang City Mayor Darel Dexter T. Uy sa iyang kanunay nga gapaluyo ug pagsuporta ingon man pagdasig kanila sa pagpahigayon sa mga programa may kalabot na sa “civil registry”.(Angelica T. Obina)
SOURCE: DIPOLOG CITY GOVERNMENT