Gilusad sa Kagamhanang Lokal sa Dakbayan sa Dapitan ang Business One-Stop Shop (BOSS) kaniadtong Enero 5, 2026, aron mapadali ug mapahapsay ang business registration ug renewal sa mga negosyante.
Gipahigayon ang kalihokan sa Ground Floor sa City Hall, diin naghiusa ang nagkadaiyang buhatan sa LGU ug pipila ka national agencies sama sa Department of Trade and Industry, PNP, ug Bureau of Fire Protection aron makahatag og one-stop service.
Pinaagi sa BOSS, napadali ang pagproseso sa mga dokumento tungod kay dili na kinahanglang molibot pa ang mga aplikante sa lain-laing opisina. Dungan usab nga giproseso ang Motorized Tricycle Operator’s Permit (MTOP), nga nakahatag og kahupayan sa mga tricycle operator ug drayber.
Matod sa Business Permits and Licensing Division, gatusan ka mga indibidwal ang nakaproseso sa ilang permit sa unang adlaw pa lamang. Ang inisyatibo nagpakita sa paningkamot sa lokal nga kagamhanan sa paghatag og episyente ug maayong serbisyo publiko ug sa pagsuporta sa lokal nga ekonomiya sa Dapitan City.(IKEN B. GULLEM)
Source: City Government of Dapitan