Dali nga miresponde ang mga personahe sa Sindangan Central Fire Station ubos sa pagpangulo ni FSINSP Francis Carl T. Paulite, Municipal Fire Marshal, sa usa ka tawag sa emerhensya tungod sa nahitabong aksidente sa Barangay Poblacion, Sindangan.
Pag-abot sa lugar, nakaplagan nila ang biktima nga naglingkod, husto ang panimuot apan medyo naglibog, ug adunay gasgas sa agtang. Gilimpyohan dayon ang samad gamit ang povidone-iodine ug gilangkoban ang pasyente sa stretcher aron dalhon sa BFP rescue vehicle.
Tungod sa paspas ug tinabangay nga aksyon sa mga bombero, dali nilang na-manage ang kahimtang ug nasiguro ang kaluwasan sa biktima, usa ka tin-aw nga pagpamatuod sa ilang dedikasyon sa pagpanalipod sa kinabuhi ug kabtangan sa katawhan sa Sindangan.(JENIFFER JR. DELICA)
Source: BFP Sindangan MFS