Nakigpirma og Memorandum of Agreement ang Bureau of Fire Protection Region 9 ug AISAH Medical Hospital sa Pagadian City aron hatagan og 15 porsyento nga diskwento sa serbisyo medikal ang mga personnel sa BFP, lakip ang ilang mga pamilya ug retirees.
Ubos sa programa nga “Kinse Porsyentong Diskwento para sa mga Bumbero,” mahimong mapahimuslan sa mga bumbero ang diskwento sa konsultasyon, emergency treatment, confinement, ug uban pang serbisyo sa ospital. Ang diskwento ipatuman sa net hospital bill human ibawas ang PhilHealth ug uban pang assistance.
Gipangunahan ang pagpirma sa kasabutan ni BFP Region 9 Director FCSUPT Jerry Duhina Candido ug sa mga opisyal sa AISAH Medical Hospital, lakip si Medical Director Dr. Brando Khalif S. Jally, isip kabahin sa selebrasyon sa Fire Prevention Month ug paghatag og dugang benepisyo sa mga bumbero nga nagserbisyo sa komunidad.(JENIFFER JR. DELICA)
Source: Bureau of Fire Protection Region IX