LILOY, ZAMBOANGA DEL NORTE — Gipahigayon sa Liloy Fire Station ang “Talakayan at Damayang Pangkabuhayan” sa Barangay Goaw aron mapalig-on ang kahibalo sa komunidad sa fire prevention ug emergency preparedness.
Gipangunahan ni FINSP Dave C. Dela Cruz ang kalihokan diin aktibong miapil ang mga residente sa diskusyon kabahin sa hustong paglikay sa sunog ug pagpanalipod sa ilang panimalay ug panginabuhian.
Dugang pa, gipakita sa maong aktibidad ang diwa sa panagtinabangay tali sa BFP personnel ug komunidad, nga nagpalig-on sa kooperasyon ug kahanduraw sa mga residente.
Padayon nga gipalambo sa Liloy Fire Station ang ilang programa sa edukasyon ug community engagement aron masiguro ang kaluwasan ug kaandam sa matag barangay.(JENNIFER JR. DELICA)
Source: BFP R9 Liloy Fire Station