Aron sa paghatag og ti-onay nga diwa sa Pasko, gipahigayon ang usa ka salo-salo tali sa mga pamilyang nahatagan og medical assistance ni Mayor Darel Dexter T. Uy ug sa kagamhanang lokal sa Dipolog.
Kini usab ang katumanan sa hamdum sa mga benefactors nga gustong mopadayag sa ilang personal nga pasalamat ngadto sa mayor tungod sa dakong tabang niini ngadto kanila dinha sa ilang mga gisagubang nga panginahanglanong medikal.
Sa nasangpit nga salo-salo, mipadayag si Mayor Uy sa iyang kalipay nga nahimamat niya ang mga benefactors ug personal niining gikumusta ang matag usa lakip usab sa pagdasig kanila nga kanunay’ng mohangad ug magpasalamat sa Ginoo nga maoy tinubdan sa tanang grasya.
Nasayran nga ang mga nahisgutan nga indibidwal mao ang nahatagan og medical assistance, accommodation ug transportation samtang ang mga pasyente niini ang gidala ngadto sa dakbayan sa Sugbu alang sa medikal nga atensyon.
Kalagmitan sa mga balatian niini mao ang congenital cases sa mga bata, kanser ug uban nga nagkinahanglan og chemotheraphy ug radiation.
Ang mga benefactors ang malipayong nagsalo-salo dinha sa Museo Dipolog sa 2nd Floor sa City Hall Building Disyembre 15 ning tuiga ug nakadawat usab kini og mga pahalipay gikan sa pamilyang Uy.
Nahibalo-an nga ang uban kanila ang nagagikan sa mga lagyong munisipyo dinhi sa lalawigan sa Zamboanga del Norte.
(Source: Dipolog City Government Facebook page)