GIPAKUSGAN karon sa buhatan sa PDEA 9 ang pagpatuman sa Barangay Drug Clearing Program (BDCP) niadtong Hulyo 26-29,2024 ,sa lungsod sa Siocon,Sirawai,Sibuco ug Baliguian o mas naila nga (Triple SB) nga sakop sa Zambonga del Norte.
Ang maong programa pinangulohan ni RD Maharani R. Gadaoni-Tosoc sa PDEA IX, uban sa ARD Ralph Rommel D. Torres ug mga personahe sa PDEA IX Zamboanga del Norte Provincial Office mibisita sa maong mga lungsod ug mitambong sa serye sa mga kalihokan isip suporta sa nasudnong kampanya batok sa droga niadtong Hulyo 26-29, 2024, didto sa Municipal Gymnasium sa Barangay Poblacion,Zamboanga del Norte.
Gitambongan ang maong programa sa mga barangay officials sa Baliguian,diin si RD Tosoc mitambong sa re-orientation sa Barangay Drug Clearing Program (BDCP), uban sa PDEAIX ZDN personnel nga nagsilbing Resource Speakers sa unang adlaw sa pagbisita.
Sa ikaduhang adlaw sa pagbisita, si RD Tosoc mitambong usab ug mitambong sa re-orientation sa BDCP nga gipahigayon sa Livelihood Center, Poblacion, Sibuco, Zamboanga del Norte, uban sa mga barangay officials sa Sibuco isip mga partisipante.
Gipadayon kini sa opisina sa mayor aron sa paghatag og courtesy visit kang Hon. Joel M. Ventura, ang Municipal Mayor sa Sibuco. Laing re-orientation sa BDCP ang gihimo ngadto sa mga barangay officials sa Siocon niadtong Hulyo 29, nga gipahigayon sa Municipal Gymnasium, Barangay Poblacion, Siocon, Zamboanga del Norte diin ang courtesy visits gihimo usab sa PDEAIX ZDN PO ngadto kang PCAPT Giovanni E. Icalina, ang Officer-in-Charge sa Siocon Municipal Police Station, ug kang Hon. Ceasar Soriano, Municipal Mayor sa Siocon.
Tumong sa maong pagbisita mao ang pag-establisar sa panagtambayayong ug kooperasyon sa pagpatuman sa Barangay Drug Clearing Program, alang sa posibleng umaabot nga mga kalihokan tali niining mga entidad.
Sa samang higayon, gipatigayon usab ang usa ka 50th Nutrition Month Celebration Fun Run nga may temang “SA PPAN SAMA-SAMA SA NUTRISYONG SAPAT PARA SA LAHAT”,nga gisalmotan sa mga personahe sa PDEA IX ZDN, diin ang maong aktibidad gisugdan sa Municipal Hall palibot sa Munisipyo ug natapos sa Municipal Gymnasium sa Sirawai, Zamboanga del Norte. (Medalyn U. Borja)
Source: PDEA REGIONAL OFFICE IX