Gipahigayon, Septyembre 26 hangtud sa 27 ang Basic Life Support-Cardio Pulmonary Resuscitation Training alang sa Health Providers sa Zamboanga del Norte Medical Center (ZNMC) nga didto gihimo sa ilang Conference Room.
Pinaagi sa pagtimbayayong sa Provincial Health Office (PHO), Provincial Disaster Risk Reduction and Management Office (PDRRMO) ug Management in Health and ZNMC Health Emergency Management Services nga gipanguluhan ni Mr. Rommel Jamolod ug mga miembro niini, gihimo kini alang sa basic trainings sa mga frontliners sa departamento sa panglawas ilabi na sa mga emerhensiya, katalagman ug ubang panghitabo nga nagkinahanglan sa dali nga aksyon.
Kahibaloan, mando karon ni Gov. Rosalina “Nanay Nene” Jalosjos nga kanunay gayud nga alerto 24-oras ang atong mga buhatan sa kapitolyo-probinsyal ilabi na sa pagtabang sa mga nagkinahanglan panahon sa kalisod ug emerhensiya.
Sunod bulan sugdan usab sa maong team ang susamang pagbansay-bansay sa mga district ug municipal hospitals ning lalawigan.
(Source: Provincial Information Center ZaNorte Facebook page)