Nasikop ang usa ka Most Wanted Person nga nag atubang sa kasong Malversation of Public Funds atol sa gikasa nga search warrant sa mga personahe sa kapulisan mga alas 9:45 ang takna sa buntag sa Disyembre 8, 2025,didto sa Alemar Budgetel Hotel, P. Lopez Street, Barangay Kalubihan, dakbayan sa Sugbo.
Ang maong dinakpan nga wanted person naila nga si alyas “RA” lalaki, 32 anyos, ulitawo, ug nagserbisyo isip usa ka Barangay Treasurer ug usa ka residente sa Purok 4, Singaran, La Libertad, Zamboanga del Norte, kinsa gidakop tungod sa paglapas sa Violation of Malversation Through Falsification of Public Documents (Malversation of Public Funds), gi-docket ubos sa Criminal Case No. 28366, nga gi-isyu sa Regional Trial Court, Branch 8, 9th Judicial Region,Dipolog City, Zamboanga del Norte, pinetsahan og Nobyembre 11, 2025, nga adunay piyansa nga girekomendar nga mobalor sa ₱72,000.00 alang sa iyang temporaryo nga kagawasan.
Ang pagkasikop sa nasangpit nga suspek gihimo pinaagi sa Police Station 5, Cebu Police Station, uban sa koordinasyon sa Tracker Team sa La Libertad Municipal Police Station, Zamboanga del Norte Police ug Provincial Office, PRO9.
Ang dinakpan temporaryong gitanggong karon sa Police Station 5 Detention Cell, Barangay Ermita,Cebu City, samtang nagpaabot sa approval sa travel order sa mga escort personnel gikan sa La Libertad MPS alang sa iyang pagbalhin ug turnover ngadto sa nag-isyu nga korte.(MEDALYN U. BORJA)