Opisyal nga giablihan ug giinagurahan ni Department of Social Welfare and Development Secretary Rex Gatchalian ang bag-ong imprastruktura alang sa kabatan-onan sa probinsya, usa ka inisyatibo nga nagtinguha sa paghatag ug mas luwas, organisado, ug suportadong palibot para sa mga youth beneficiaries.
Ang proyekto naglakip sa pagtukod sa boys’ dormitory, livelihood center, ug warehouse sa Regional Rehabilitation Center for the Youth (RRCY), ug usa ka storage facility nga adunay klinika sa Balay Dampanan Sa Kabataan (BDSK) sa Polanco.
Human sa pagbukas sa mga pasilidad, nakigpulong si Gatchalian kang Dapitan City Mayor Evelyn T. Uy ug Dipolog City Mayor Roberto T. Uy sa Government Center sa Dapitan. Milakaw usab siya aron bisitahon ang mga benepisyaryo sa Pantawid ug PWD SLPA sa Polo, Dapitan City.(IKEN B. GULLEM)
Source: Gov Darel Uy