Dakpan ang usa ka babaye nga suspek sa pagpayuhot sa ilegal na drugas atol sa gikasa nga buy-bust operation sa mga personahe sa kapulisan didto sa Barangay Baybay,Liloy , Zamboanga del Norte niadtong Hunyo 15,2026.
Ang maong dinakpan nga babayeng drug suspek nakumpiskahan sa kapulisan sa kapin o kulang sa 1 ka gramo sa ilegal nga drugas nga adunay gibanabanang kantidad nga P6,800, pinaagi sa operasyong gihimo sa mga personahe sa Labason Municipal Police Station (MPS).
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa ilegal nga droga ug pagpanalipod sa atong komunidad.(MEDALYN U. BORJA)
Source: Liloy MPS- ZNPPO