Usa ka babaye nga notadong usa ka SLI ang na aresto sa gipahigayong buy-bust operation batok sa ilegal nga drugas,mga 5:27 sa hapon, Martes, Marso 5,2024,didto sa Sitio Paraiso, Brgy Galas, ning dakbayan sa Dipolog.
Naila ang dinakpan nga si Wyniezel Claret Diamante, 33 anyos, dalaga, Casual Employee, ug residente sa Purok Kalamboan, Brgy. Sta. Filomena, Dipolog City.
Nasikop ang suspetsado sa mga personahe sa Dipolog CPS (SDET) nga gipangulohan ni PLT BERJOHN TIANOK lead unit kauban ang RDEU 9, ZNPDEU, RA-ZN RID 9, 1st ZNPMFC, 901st RMFB 9 ug sa koordinasyon sa ZN PDEA 9.
Ang suspek matod pa gisikop sa pagpamaligya og usa ka pakete sa small size heat-sealed transparent plastic sachet nga adunay sulod nga puti nga crystalline granules nga gituohang “shabu”.
Nasakmit gikan sa possession sa suspetsado atol sa operasyon mao ang 2 ka piraso nga small size heat-sealed transparent plastic sachet nga adunay sulod nga white crystalline granules nga gituohang “shabu”, usa ka piraso sa Php1,000 bill nga gigamit isip buy bust money. Usa ka piraso transparent open plastic cellophane nga nagsilbing sudlan sa shabu, usa ka unit nga cellphone Tecno Spark Brand color light blue nga adunay rubber case, ug usa ka piraso sa belt bag color dark blue nga gisilbi nga sudlanan.
Ang gidudahang delikado nga drugas, adunay standard nga presyo nga mobalor sa Php 10, 200 ka pesos ug motimbang sa 1.5 gramos.
(Medalyn U. Borja)
(Source: Dipolog CPS)
