Sa mga alas 8:00 sa buntag, September 19, 2023, usa ka Jameson Tumaban Rojas, 32 anyos, mag-uuma ug residente sa Sitio Logdeck, Lintangan, Sibuco, Zamboanga del Norte ang nagpakita sa Sibuco MPS ug nitaho nga dunay nahitabong paghikog sa Sitio Logdeck, barangay Lintangan, Sibuco, diin ang biktima mao ang iyang live-in partner nga giilang si Rachel Genturalez Rojas, 26 anyos, ug residente sa susamang dapit.
Tungod sa taho, ang duty TOC nakig-alayon dayon sa Zamboanga del Norte Forensic Unit (ZNPFU) alang sa Scene of the Crime Operation ug sa mga alas 5:40 sa hapon niadtong Septiyembre 19, 2023 ang mga personahe sa Sibuco MPS mipaingon sa gikatahong lugar sa insidente aron sa verify sa katinuod sa maong report.
Sa inisyal nga imbestigasyon nasayran nga subay niini, ang biktima giingong naghikog pinaagi sa pag-inom og insecticide (Dupont Lannate) sa ilang pinuy-anan mga alas 8:00 sa buntag sa samang petsa ug nadiskubrehan sa usa ka Ronie Alabat Rojas, uyoan sa reportee.
Gidala dayon nila sa Sibuco Municipal Hospital ang biktima apan gideklarar nga dead on arrival sa attending Physician nga si DR. DEIRILEEN D EDDING. Narekober sa lugar nga nahitaboan sa insidente ang usa (1) ka basiyo sa sachet sa (Dupont Lannate). Ang patay nga lawas sa biktima gitugyan ngadto sa iyang kabanay alang sa tukmang disposasyon.
Source: PNP ZN
