Malipayon nga nahimong kabahin sa 2026 Agri Trade Fair sa Munisipyo sa Piñan, Zamboanga del Norte ang ATI-RTC IX nga naghatag og plataporma alang sa mga lokal nga mag-uuma, producers, agricultural organizations, ug enterprises aron mapakita ug mapalambo ang ilang mga produkto ug inisyatibo.
Isip kabahin sa maong kalihokan, gipakita sa ATI-RTC IX ang padayong suporta niini sa mga programa nga nagdugtong sa agricultural learning, enterprise development, ug market opportunities.
Lakip sa mga mipartisipar ang pipila ka ATI-accredited Learning Sites for Agriculture (LSAs) sa Zamboanga del Norte. Ang ilang pag-apil nagpakita sa konkretong resulta sa agricultural learning diin ang kahibalo ug teknolohiya mahimong mapadapat sa produksyon, value-adding, pagpalambo sa produkto, ug pagpangita og dugang nga merkado.
Sa iyang mensahe isip representante sa ATI-RTC IX, gipadayag ni Ms. Glo Anne N. Darunday, alang kang OIC-Center Director Gerry R. Pagarigan, ang pagdayeg sa Munisipyo sa Piñan sa paghatag og mahinungdanong plataporma alang sa lokal nga agrikultura.
Pinaagi sa pag-apil sa mga kalihokan sama niini, ang ATI-RTC IX nagpadayon sa pagtabang sa mga mag-uuma ug agricultural stakeholders nga mapalambo ang ilang kahibalo, produkto, negosyo, ug koneksyon sa merkado.(IKEN B. GULLEM)
Source: ATI in Zamboanga Peninsula