Gipalalom sa 6th Air Reserve Center (6th ARCEN) sa Philippine Air Force ang plano niini sa mas aktibong civil-military engagement sa Dipolog City human sa usa ka high-level meeting tali ni City Mayor Roberto Y. Uy ug ni Lieutenant Colonel Ana Liza F. Tio, Commanding Officer sa yunit, kaniadtong Enero 28, 2026.
Atol sa panagtagbo, gihisgutan ang posibilidad sa pagpatuman sa mga programa nga direktang motubag sa panginahanglan sa komunidad, ilabi na sa disaster response, humanitarian assistance, ug civic support operations.
Usa sa mga sentrong punto sa diskusyon mao ang pagpalig-on sa Philippine Air Force Reserve Force sa Zamboanga del Norte pinaagi sa mas organisado ug lokal-based nga recruitment efforts. Giila sa 6th ARCEN ang Dipolog City isip potensyal nga sentro sa reserve development sa probinsya tungod sa aktibong suporta sa LGU ug sa interes sa mga residente sa pagserbisyo sa nasud.
Kasamatangang, ang 6th ARCEN, nakahimutang sa Edwin Andrews Air Base sa Sta. Maria, Zamboanga City, ug nagpasiugda sa papel sa reserve force isip force multiplier sa regular units sa PAF, ilabi na sa panahon sa kalamidad ug krisis.(IKEN B. GULLEM)
Source: Dipolog City Government