Girespondehan dayon sa EMS duty personnel sa Labason Municipal Fire Station ang usa ka vehicular accident sa Barangay Dansalan, Labason, Zamboanga del Norte niadtong September 14, 2026.
Pag-abot sa responders, gisusi dayon ang kahimtang sa pasyente ug gihatagan og first aid. Gilimpyohan ang mga samad ug gitaptapan kini og hustong dressing samtang gisiguro ang kaharuhay ug kaluwasan sa pasyente.
Human sa initial treatment, dali nga gidala ang pasyente pinaagi sa BFP ambulance ngadto sa Labason District Hospital alang sa dugang nga medical evaluation ug gikinahanglang pagtambal.
Pinaagi sa paspas nga pagresponde sa BFP Labason, natabangan dayon ang pasyente ug nadala sa pasilidad medikal alang sa dugang nga pag-atiman.(JENIFFER JR. DELICA)
Source: BFP R9 Labason Fire Station