Malampusong gipahigayon ang cash relief assistance pay-out pinaagi sa DSWD alang sa mga miyembro sa Rizal Tricycle Operators Drivers Association sa lungsod sa Rizal, Zamboanga del Norte.
Adunay 85 ka benepesyaryo ang nakadawat sa pinansyal nga tabang isip suporta sa mga tricycle operators ug drivers nga padayon nga nag-alagad sa komunidad.
Gipasiugda nga ang maong inisyatiba kabahin sa paningkamot sa gobyerno sa pag-amuma sa sektor sa transportasyon nga usa sa haligi sa lokal nga ekonomiya.
Samtang niini, gipalig-on usab sa lokal nga panggamhanan ang disiplina sa mga operators pinaagi sa pagsunod sa Memorandum Circular No. 7, Series of 2026 aron masiguro ang kaluwasan ug hapsay nga serbisyo sa publiko.(JENNIFER JR. DELICA)
Source: Municipality of Rizal