Duyog sa pagtimaan sa World Wildlife Day, 73 ka pawikan hatchlings ang malampusong gipagawas sa baybayon dapit sa Dipolog Airport kaniadtong Marso 3, usa ka lakang nga nagpadayag sa aktibong papel sa komunidad sa pagpanalipod sa kinaiyahan.
Ang maong kalihokan dili lamang simbolikong selebrasyon kondili konkretong aksyon sa pagmintinar sa populasyon sa pawikan sa lokal nga katubigan. sa marine ecosystem,
Gihatagan og espesyal nga pag-ila ang volunteer nest patroller nga si Manuel Subrado tungod sa iyang makanunayon nga pagbantay sa mga pugad ug pagseguro nga luwas ang mga itlog hangtod sa pagpisa. Ang iyang pag-alagad isip boluntaryo nagpakita nga ang kalampusan sa mga inisyatiba sa kalikupan nagsalig sa kooperasyon sa katawhan.
Ang maong kalampusan nagpalig-on sa panawagan nga ipadayon ang responsableng pag-atiman sa baybayon aron masiguro ang kahapsay sa palibot alang sa umaabot nga mga henerasyon.(IKEN B. GULLEM)
Source: Dipolog ENRO