Samdan ang usa ka 55 anyos nga babaye homan kini dunggaba sa usa ka lalaki mga alas 7:20 sa gabii niadtong Hunyo 30, 2026, didto sa Purok 9, Barangay San Antonio, Katipunan, Zamboanga del Norte.
Ang maong biktima naila nga usa ka babaye 55 anyos,samtang ang suspek nga lalaki naila nga usa ka 40 anyos kinsa maoy nidunggab sa nasangpit nga biktima.
Ang insidente gitaho sa Katipunan Municipal Police Station (MPS) mga alas 8:05 sa gabii sa usa ka nagpakabana nga lungsuranon nga daling girespondehan sa kapulisan ug dayon miadto sa lugar aron susihon ang report.
Sa inisyal nga imbestigasyon nagbutyag nga ang suspek, kinsa giingong ubos sa impluwensya sa ilimnong makahubog, miadto sa balay sa paryente sa biktima, ug nanghagit kini og away, ug giguba ang pultahan sa balay gamit ang bolo.
Sa dihang mipatunga ang babayeng biktima, gibunalan siya sa tuo nga bahin sa iyang dunggan hinungdan nga moduol ang usa ka residente aron sa pugong sa suspek ug giilog ang hait nga hinagiban sa wala pa kini maabti sa mga Barangay Tanod ug gidala ang duha ka partido ngadto sa Katipunan Rural Health Unit alang sa medikal nga atensyon.
Nasayran nga usa ka sundang nga gibana-bana nga 11 ka pulgada ang gitas-on, lakip ang kuptanan, nga gituohang gigamit sa insidente, ang narekober sa mga mirespondeng pulis.
Ang biktima gilayong gitambalan, samtang ang suspek gidakop ug gidala sa Katipunan MPS alang sa hustong disposisyon ug pagpasaka sa angay nga mga kaso kriminal.(MEDALYN U. BORJA)
Source: ZNPPO