Sikop sa gikasa nga operasyon sa mga personahe sa kapulisan ang usa ka lalaki sa kasong murder, niadtong Nobyembre 26,2024 mga alas 3:50 ang takna sa hapon.
Ang dinakpan naila nga si alyas “Allan” 49 anyos, lalaki, mason, minyo, ug residente sa Brgy. Lugdungan, Dipolog City, Zamboanga del Norte.
Nasikop kini pinaagi sa Dipolog City Police Station Custodial Facility, pinaagi sa mga personahe sa Dipolog CPS pinasikad sa warrant of arrest sa kasong “Murder” nga giisyu ni Hon. Jose Rene Gallemit Dondoyano, Presiding Judge, 9th Judicial Region, Branch 6, Dipolog City, Zamboanga del Norte pinetsahan Nobyembre 21, 2024, nga walay piyansa nga girekomendar.
Ang akusado nagpabilin sa kustodiya sa Dipolog City Police Station alang sa tukmang disposasyon.(Medalyn U. Borja)
Source: ZNPPO