Nahikaplagan ang patay nga lawas sa gikatahong naanod sa suba sa Barangay Tambalang, sikbit sa Barangay Dinuan, Salug, Zamboanga del Norte. Sa may alas 7:30 kagabie.
Giila ang biktima nga si Rosso Remollo Guingona, 48 anyos, single, mag-uuma nga lumulopyo sa Barangay Dinuan Salug, Zamboanga del Norte.
Dali nga mireport ang saksi nga si Renato Onog Arnaez, minyu ug residente sa Barangay Dinuan, Salug niining nga lalawigan human masayran ang maong panghitabo.
Nahisayran, ang maong biktima daw misulay kini ug tabok sa suba sa Barangay Dinuan kaniadtung Miyerkulea Marso 9, ning tuiga sa may alas 3:55 sa kahapunon ug maoy  hinungdan nga kini gianod, rason nga nakabsan kini sa iyang kinabuhi.
Ang nakakita sa  patayng lawas mao si Dante Adog ug dali dayun kini gipahibalo ni kapitan Dario Dupot kapitan sa Barangay Tambalang. (Rigin O. Rusiana)
