Tanggong sa prisohan ang usa ka 47 anyos nga Lalaking ana sa Top 4 Most Wanted Person Municipal Level, tungod sa Krimen nga Multiple Charges of Rape by Sexual Assult and Rape, pinaagi sa gipahigayon nga Joint law Enforcement Operation sa mga Personahe sa Siocon Municipal Police Station (MPS), didto sa Barangay Bucana, Lungsod sa Siocon, ning Probinsiya sa Zamboanga del Norte, niadtong nakalabay’ng adlaw ning bulan sa Hulyo ning Tuig 2025.
Giila sa Siocon Pnp ang nasakoting Suspetsado sa Alyas nga “Kimsur” 47 anyos minyo ug Residente sa Barangay Matiag, Siocon, Zamboanga del Norte, diin gisikop ang nahisgutang dinakpan pinaagi sa Warrant of Arrest nga naka doket ubos sa Criminal Case Number 2025-06-11 (2969) ug 2025-06-12 (2970), nga giisyu ni Ela Michelle Sta. Maria Cubero, Presiding Judge sa Regional Trial Court, Branch 27, Ninth Judicial Region, Siocon, Zamboanga del Norte, penitsahan og Hunyo 24, 2025.
Tungod sa ka bug-at nga salaod ang giatubang sa korte sa nasangpit nga dinakpan, wala na kini hatagi og kahigayonan nga makaangkon og temporaryong kagawasan, tungod kay walay gitugot nga pyansa ang korte alang sa suspetsado.
Sa pagka karon ang dinakpan atua na ubos sa kustodiya sa Siocon Municipal Police Station samtang giasikaso pa ang pagbalik sa Warrant of Arrest ngadto sa Korte nga nag-isyu niini.(Julius Esmade)
Source: ZNPPO