Isip paghandum sa kasaulogan sa 390th Years of Christianity sa dakbayan sa Dapitan, gisaulog kini sulod sa upat ka mga adlaw sukad niadtong Oktubre 9 kutob petsa 12 ning bulan.
Nagpahigayon sa mga aktibidades ang simbahang Katoliko Romano sa syudad timaan sa pagsaulog sa 390 ka Tuig nga Kristiyanismo sa Dapitan, alang sa 500 Years of Christianity sa nasud ingon man kapistahan sa Our Lady of the Pillar, diha sa parokya ug ang Cofradia de Santiago Apostol de Dapitan.
Nasayran nga adunay pasundayag sa mga imahe o Dapitan’s Images and Traditions Exhibit isip kulminasyon sa maong kasaulogan diin gibuksan kini kaniadtong Oktubre 9 sa may alas 7 ang takna sa gabie samtang nagpahigayon usab pag-ampo alang sa Holy Rosary for Healing sa tibuok kalibutan niining nasinati nga pandemya kansang wala pa ang pagtahod sa mga imahe sa dakbayan nga mao ang Our Lady of the Pillar ug St. James the Greater.
Isip parte sa panapos nga selebrasyon sa ika-390 nga Tuig sa Kristiyanismo, ang Parokya ug ang Camareros de Dapitan nagpasundayag sa mga Estatwa ug Photo Exhibit nga adunay mga daan ug bag-ong imahe sa Ginoo, ang sa Birhen Maria ingon man mga Santo ug mga karaan usab nga litrato nga adunay kalabotan sa parokya nga simbahan.
Sa kabahin ni City Tourism Officer Apple Marie Agolong. nga makapasigarbo sa mga Dapitanon nga adunay gibatunan nga susama ka abunda sa relihiyoso nga kasaysayan ang syudad.
Ang kaabunda usab sa relihiyoso nga kasaysayan gipamatud-an ni Rev. Fr. Patrick Dalangin kinsa naghupot sa mga dokumento nga ang Dapitan maoy pinaka-unang lugar sa isla sa Mindanao nga nahimong Kristyano pinaagi sa
masusi niini nga pagtuon.
Si Fr. Dalangin, dili lamang usa ka ordinaryo nga pari, apan researcher ug historian usab kini nga nagsusi kabahin sa Kristiyanismo sa siyudad sa Dapitan.
Alayon niini, adunay ipahigayon nga Aurora sa katapusan nga adlaw o karung Oktubre 12 nga magsugod sa alas 4 ang takna sa kadlawon atol sa kapistahan sa La Virgen del Pilar nga pagasundan sa prusisyon palibot sa poblacion sa imahe ni St. James the Greater ug Lady of the Pillar.
(Source: City Information Division-CID-Dapitan Facebook page)