Na aresto ang usa ka 37 anyos nga wanted person nga nag atubang sa kasong Physical Abuse atol sa gihimo nga hiniusang operasyon sa mga tinugyanan sa balaod niadtong Nobyembre 26, 2025, didto sa Brgy Potol, Dapitan.
Ang maong dinakpan naila nga usa ka 37-anyos nga lalaki kinsa gisikop sa mga personahe sa Dapitan CPS kauban ang Mabuhay SBC 5th SOU, 901st RMFB9 ug 1st ZNPMFC tungod sa kasong paglapas sa Physical Abuse kalabot sa RA 7610.
Ang pag aresto gihimo pinasikad sa bisa sa warrant of arrest nga giisyu sa Presiding Judge sa Family Court, Ninth Judicial Region, Branch 4, Dapitan City, Zamboanga Del Norte nga adunay girekomendar nga piyansa nga Php 100,000.
Giawhag sa Dapitan City Police Station ang publiko nga magmabinantayon ug motaho dayon sa mga kadudahang kalihokan ngadto sa mga otoridad.(MEDALYN U. BORJA)
Source: Dapitan CPS