Nakadawat og food packs ang 333 ka benepisayro, nga mga lumolupyo sa duha ka Barangay sa dakbayan Dapitan, diin kini gilangkoban sa Barangay Oro, ug Barangay Baylimango, nga parehong sakop ning Probinsiya sa Zamboanga Del Norte, niadtong nakalabay’ng adlaw, Setyembre 17, 2025.
Matud pa, nga ang nasangpit nga pagpang-apod-apod og mga food packs, ngadto sa mga kabarangayan nga sakop sa dakbayan sa Dapitan, Programa sa Lokal nga Pangagamhanan sa nasangpit nga dakbayan, diin nahimong katimbang niini ang Department of Social Welfare and Development (DSWD, maingon man ang City Agriculture Office ( CAO) ug ang City Social Welfare and Depvelopment Office ( CSWDO), ubos sa inisyatiba ug pagpaningkamot ni Mayor Belen Uy, maingon man sa Kongresista sa Primero Distrito, pinaagi ni Congressman Roberto Pinpin Uy.
Mapasalamaton ug gikalipay sa mga benepisyaryo ang ilang mga nadawat, tungod kay ilang nabatian, ang seryoso nga tinguha sa ilang Mayor ug Kongresista, nga mahatagan sila og insaktong serbisyo, maingon man nga nagtinguha kini, nga mapalambo ang panginabuhi sa mga Dapitanon, labi pa, nga ilang nadunggan nga mipasalig ang lokal nga panggamhanan nga magpadayon sa paghatod og tabang ug mga programa alang sa tanang nanginahanglan nga Dapitanon.(Julius Esmade)
Source: CITY GOVERNMENT OF DAPITAN