Natapos sa Coast Guard Station Zamboanga del Norte ang 5-Day Water Search and Rescue (WASAR) Training alang sa Municipal Disaster Risk Reduction and Management Office (MDRRMO) sa Rizal, Zamboanga del Norte.
Giila nga 32 ka LDRRMO responders ang nalampusong mihuman sa maong pagbansay. Ang Special Operations Unit–Southwestern Mindanao (SOU-SWM) maoy mitultol sa training, diin gituki ang mga hilisgutan sama sa basic life support, pagdumala sa rubber boat, search and rescue operations, survival techniques, ug basic knot tying, mga kahanas nga makatabang kanila sa pag-atubang sa emerhensiya ilabina sa tubig.
Sa closing ceremony, Ensign Mark Kevin O. Periera, PCG, Deputy Commander sa CGS Zamboanga del Norte, mipasiugda sa dakong papel sa WASAR training sa paglig-on sa kahandam sa komunidad ug sa pagpalambo sa abilidad sa lokal nga mga responder panahon sa kalamidad.(IKEN B. GULLEM)
SOURCE: Coast Guard Station Zamboanga del Norte