Kagamhanang lokal sa Dipolog pinaagi sa buhatan sa City Social Welfare and Development, mipahigayon sa “Family Forum and Capacity Development for Strengthening Family Ties” isip selebrasyon sa “30th National Filipino Family Week”, Septiyembre 30 ning tuiga didto sa Top Plaza Hotel ning dakbayan.
Si Ms. Arlene O. Jatico, CSWDO, pormal nga nagbukas sa nasangpit nga kalihukan diin siya mapasalamaton nga ang mga imbitadong pamilya nga nagagikan sa 21 ka barangay ning dakbayan ang misanong sa imbitasyon ug miduyog sa pagsaulog sa Family Week.
Mitambong usab si konsehal Marilou Y. Calibo, Chairman sa Committee on Women, Children and Family Welfare diin iyang gipa-ambit ang kamahinungdanon sa pagpanaghi-usa ug paghatag og panahon alang sa pamilya.
Kahinumduman nga sa tuig 1992, gipirmahan ni kanhi Presidente Fidel V. Ramos ang Proclamation No. 60 nga nagdeklarar sa katapusang semana sa Septiyembre kada tuig isip Family Week, kini aron ma-rekognisar ang importansiya sa pamilya isip “basic unit of society.”
Aduna usa’y mga lectures nga gipahigayon diin gihisgutan ang “Strengthening of Family Relationship, Spiritual Dimension of Family Life” ug mga balaod nga nagprotiher sa mga kabataan ug kababayen-an. Nagpakita usab ang mga partisipantes sa ilang mga talento pinaagi sa dula nga “Family Got Talent”.
Source: DIPOLOG CITY GOVERNMENT Facebook page
