Mipahigayon ang sa kawani sa Philippine Statistics Authority sa 2026 Community-Based Monitoring System (CBMS) Validation sa tibuok probinsya kaniadtong Hulyo 23,2026.
Ang maong kalihokan gihimo alang sa importanteng tumong sa pag-update ug pag-validate sa mga rekord sa mga benepisyaryo sa social protection nga nalista sa mga nag-unang programa sa Department of Social Welfare and Development (DSWD).
Ang mga nag-unang programa nga gitanyag ubos sa DSWD mao ang Pantawid Pamilyang Pilipino Program (4Ps), Social Pension (SocPen) alang sa mga kabus nga senior citizen, ug ang Walang Gutom Program (WGP)—nga wala makita sa 2024 CBMS Database.
Ang kawani sa PSA Zamboanga del Norte, nag awhag pag-ayo sa tanang benepisyaryo nga makigtambayayong sa mga field personnel sa pag abot niini sa ilang lugar.
Dugang pa gipadayag usab sa mga kawani ang aktibong partisipasyon sa mga benepesiyaryo makasiguro sa hapsay ug padayon nga paghatag sa mga serbisyo sa gobyerno nga makuha ang kompleto nga gikinihanglang datos.(MEDALYN U. BORJA)
Source: PSA Zamboanga del Norte