Nipahigayon ug 2-Day Workshop ang Protected Area Management Office (PAMO) sa CENRO Liloy niadtong Septiyembre 11-12 ning tuig, didto sa Mangrove Beach Resort, Gil Sanchez, Labason, Zamboanga del Norte.
Ang maong workshop gihimo aron ma-update ang Ecotourism Development and Management Plan (EDMP) para sa Murcielagos Island Protected Landscape and Seascape (MIPLS).
Ang buhatan sa CENRO pinaagi ni Deputy CENRO Heracleo M. Calasang, nga nagrepresentar sa CENR Officer Antonio Z. Yanos, ang nanguna sa pagbukas sa maong workshop diin gisalmotan kini sa onse ka partisipante gikan sa nagkalain-laing ahensya.
Naghatag kinig lecture ug exercises sa Ecotourism Concepts and Principles, Sustainable Tourism, Visitor’s Management, Situational Analysis, Updates of Vision, Mission, Goals and Objectives, ug Marketing and Promotion for Community-Based Ecotourism Enterprise.
Si Deputy CENRO Calasang nihatag og gibug-aton ang papel sa EDMP sa pagdumala sa natural nga kahinguhaan sa MIPLS ug pagpasiugda sa turismo nga nakabase sa kinaiyahan.
Ang mga eksperto gikan sa Provincial Tourism Office, Municipal Tourism Office, ug PENRO Zamboanga del Norte, lakip ni Atty. Kathryn Zyra N. Saludsod, Ms. Philetta A. Tiempo, Mary Jane T. Daarol, Mr. Hermon V. Abaya, ug EMS I Irish A. Nogot, nangulo sa mga sesyon.
Mitambong usab ang Philippine National Police, Municipal Administrator, Municipal Disaster Risk Reduction and Management Office (MDRRMO), Municipal Environment and Natural Resources Officer (MENRO), Barangay Local Government Unit sa Antonino, Labason, Ubay National High School, Municipal Tourism Office, Sangguniang Bayan Secretary, ug MIPLS Tenured Migrants Association sa maong kalihokan. (Medalyn U. Borja)
(Source: DENR Zamboanga Peninsula)