Dipolog: 1st Provincial Convention sa ERPAT, gihimo sa pamunuan ni Gov. Jalosjos

0
5
photo courtesy of Provincial Information Center Zanorte

Sa unang higayon, gihimo ang Provincial Convention on Empowerment and Re-Affirmation of Paternal Abilities (ERPAT) /Father Volunteers, sa pamunuan ni Governor Rosalina “Nanay Nene” Jalosjos, pinaagi sa buhatan sa PSWDO, sa ZN Convention and Exhibition Center, dakbayan sa Dipolog, Hunyo 14 ning tuiga.

Ang maong usa ka adlaw nga kalihukan gitambongan sa 70 ka mga representante o father volunteers, City/Municipal Social Welfare and Development Officer ug Family Welfare Program Focal Person, sa tibuok ZaNorte.

Mainitong giabi-abi ni Mr. Alex Z. Sabal, RSW, MPA, OIC- PSWDO, ang mga bisita, ug iyang gipasalamatan si Governor Nanay Nene Jalosjos
sa malumo nga kasing-kasing ug pagkamasinabtunon, nga sa kanunay nag suporta sa tanang programa ug kalihukan sa iyang buhatan.

Dugang ni Sabal, nga kinahanglan mahibaloan sa mga ginikanan ang insaktong katungdanan isip amahan sa pamilya ug sa mga anak.

Gidasig ni Sabal, ang mga father volunteers nga ma share nila ang nakat-onan sa maong tigom ngadto sa komunidad.

Sa mensahe ni Governor Nanay Nene Jalosjos nga gipabate ni Atty. Christine Louise B. Dagpin, nga ang ERPAT, usa ka milestone sa atong mga paningkamot sa pag-ila sa mahinungdanong papel sa mga amahan sa pag-umol sa atong katilingban.

Dugang ni Nanay Nene, nga pinaagi sa pagtinabangay, makahimo kita og usa ka palibot diin ang matag amahan makahimo sa pagpalambo sa pamilya ug sa atong katilingban nga mas lig-on.

Gipasalig sa gobernador, ang makanunayong suporta, alang sa kalamboan ug kaayuhan sa amahan para sa iyang pamilya ug sa katilingban.

Sa maong tigom, gituki ni Ms. Leonora Alabata-Barahim, GAD Focal DSWD-Field Office IX, ang overview sa Empowerment and Reaffirmation of Paternal Abilities (ERPAT) as the Development Strategy of the DSWD for the Father Volunteers.

Samtang gipasabot ni Rev. Ptr. Gertivo T. Lañojan, Pastor Glorious Church Polanco/ Father-Volunteers ang Understanding oneself and his Role to his Family and to the Community Where He Belongs.

Si Ms. Johanna W. Lozada, SWO1/Prov. Family Welfare Program Focal Person, nipadayag nga mahinungdanon nga maumol ang ERPAT sa matag lokalidad, isip haligi sa panimalay nga adunay dakong tahas pagpalambo ug pagpanalipod sa pamilya, mga anak ug sa komunidad. (Angelica T. Obina)

(Source: PIC – Nena Garcia)

Leave a Reply